Ingurumena

25-26 ikasturtea

Jasangarritasun emaitzak

Jasangarritasunaren arloan, hainbat ekintza eta hobekuntza garatu dira ikasturte honetan.

Honako ingurumen alderdiak landu dira: ura, fotokopiak, altzairua, aluminioa, kableak eta papera, besteak beste. Horien kontsumoa murriztea lortu da, plan bereziak jarraituz.

Horrez gain, Oteitza Lizeoko komunitate osoaren inplikazioarekin, hiri hondakinen inguruko lanketa berezia egin da. Ekimen horren barruan, ikastetxean sortzen den zaborra bildu, bereizi, kuantifikatu eta aztertu da. Era berean, jolas garaian ikastetxeko inguruko eremuetan sortzen den zaborra jasotzeko eta kontzientzia lantzeko jarduerak ere egin dira.

Karbono aztarnaren kalkuluarekin hasi gara aurten, eta helburu zehatzak ezarri dira arlo horretan hobekuntzak bultzatzeko.

Kanpora begira, gure ingurumen politika hornitzaile eta laguntzaileei zabaldu diegu, ingurumenarekiko konpromisoa eta erantzukizuna sustatuz. Gainera, hornitzaileen hautaketan ingurumen kudeaketarekin lotutako irizpideak txertatu dira.

Bestalde, ikasturtean zehar hainbat ekintza eta jarduera antolatu dira komunitatearen parte hartzea eta kontzientzia sozial zein ingurumenekoa sustatzeko. Besteak beste:

Material birziklatuekin egindako eskulturak
Natur guneetara irteerak
Janari bilketak
Munduko gatazken aurkako sentsibilizazio ekintzak
Odol emate saioak
Hondakinen tratamendua lantzen duten enpresetara bisitak
Mikroplastikoen bilketak
Espezie inbaditzaileen bilketak
Euskararen Eguneko jarduerak eta berdintasunaren aldeko ekintzak

Ingurumen kudeaketak gure kudeaketa bateratuan duen garrantzia kontutan hartuta, eta ikasleek eta langileek kudeaketa honekiko duten sentsibilizazioa areagotzeko asmoz, hauek duten asetasuna helburu estrategikoa bihurtu dugu.

Lehengaien kontsumoaren murrizketa (ura, fotokopiak, elektrizitatea, tailerreko lehengaiak...).

Hondakinen kudeaketa hobetzea.

Oteitzako pertsonen mugikortasunaren (ikastolara iristeko) azterketa bideratu.

Murriztu

Alferrikako hondakinak sorrarazten dituen edozer saihestu.
Energia: makinak ez alferrik martxan eduki. Berogailuak piztuta daudenan leiho eta ateak ez alferrik irekita mantendu.
Ura: ez galdu alferrik eta ez erabili komunak paperontzi gisa.
Papera: ordenagailuak erabili dokumentuak irakurtzeko eta eskanerra erabili paperezko fotokopiak egin beharrean. Ahal den neurrian, dokumentazioa formatu digitalean artxibatu.

Birziklatu

Materialak behar bezala sailkatuta utzi, produktu bera edo beste bat lortzeko baliabide material gutxiago erabiltzen duen prozesu natural edo industrial baten bidez berrerabiliak izan daitezen. Geletan eta pasiloetan hondakin mota desberdinak jasotzeko ontziak izango dituzue.